Były achoŭnik nardepa i eks-lidara «Pravaha siektara» Dźmitryja Jaraša Alaksandr Šumkoŭ, jaki prapaŭ miesiac tamu ŭ Chiersonie, zaraz znachodzicca ŭ rasijskim SIZA pa padazreńni va ŭdziele ŭ «ekstremisckich arhanizacyjach». Pra heta havorycca ŭ paviedamleńni «Samaabarona Chiersona» ŭ Facebook, pieradaje strana.ua.

26 vieraśnia maci Šumkova pryjšoŭ list z Rasii, što jaje syn znachodzicca ŭ Branskim SIZA i jamu paviedamlena pra padazreńni va ŭdziele ŭ ekstremisckich arhanizacyjach».

«Miesiac tamu jon prapaŭ. Bieź jakich-niebudź papiaredžańniaŭ. Prosta nie pryjechaŭ z pracy dadomu. Praź niejki čas [adzin čałaviek] vykłaŭ post, što jamu nibyta z Ukrainy paviedamili, što byccam by Alaksandr pierasiakaŭ miažu z RF i što jaho zatrymała FSB i adpuściła. Nijakim čynam da hetaha času infarmacyja ab pierasiačeńni miažy nie paćviardžałasia, a sam Alaksandr prosta źnik. My viedajem, što dobraachvotna nacyjanalist nie moh pierasiekčy miažu krainy-ahresara i ličym, što jość ludzi, jakija majuć dačynieńnie da jaho vykradańnia», — havorycca ŭ paviedamleńni.

Pra źniknieńnie Šumkoŭ zajaviŭ u palicyju, SBU. Maci ŭ najbližejšy čas budzie ŭ Kijevie i źvierniecca ŭ MZS z metaj dalejšaha vyśviatleńnia abstavinaŭ praz konsulstva.

Клас
0
Панылы сорам
0
Ха-ха
0
Ого
0
Сумна
0
Абуральна
0