Alaksandr Łukašenka daručyŭ aktyvizavać namahańni na zaviaršalnym etapie vosieńskich palavych rabot. Adpaviednyja daručeńni jon daŭ siońnia ŭ čas rabočaj pajezdki ŭ Klecki rajon Minskaj vobłaści, paviedamlaje BiełTA.

«Treba paskaracca i znoŭ mabilizoŭvać ludziej. My ž nie viedajem, jakoje budzie nadvorje, — skazaŭ kiraŭnik dziaržavy. — Praz dva tydni hetaj napružanaści ŭžo nie budzie».

Alaksandr Łukašenka adznačyŭ, što, mahčyma, viaskoŭcy ŭ peŭnaj stupieni samasupakoilisia paśla zaviaršeńnia ŭborki zbožžavych kultur. Razam z tym u bližejšyja dni ahraryjam jašče treba vykanać vialiki abjom rabot, u tym liku pa zaviaršeńni siaŭby azimych, uborcy harodniny, kukuruzy. Asablivuju zaniepakojenaść biełaruski kiraŭnik vykazaŭ u suviazi z tempami rabot pa ŭborcy kukuruzy na siłas, dadaje BiełTA.

Клас
0
Панылы сорам
0
Ха-ха
0
Ого
0
Сумна
0
Абуральна
0