Telekampanija CNN atrymała administracyjnaje papiaredžańnie za niapravilnaje ŭkazańnie ŭ efiry vychodnych źviestak, zajaviŭ kiraŭnik Raskamnahlada Alaksandr Žaraŭ.

Pry hetym jon adznačyŭ, što havorki ab spynieńni dziejnaści kanała ŭ Rasii nie idzie. Telekampanija praciahnie pracu, kali parušeńnie budzie likvidavana, cytuje słovy Žarava Bi-bi-si.

«Pavodle [rasijskaha] zakanadaŭstva tolki paśla dvuch papiaredžańniaŭ inicyjujecca pracedura spynieńnia dziejnaści ŚMI, pryčym robicca heta praz sud», — nahadaŭ jon.

«U dadzienym vypadku razmovy pra heta nie idzie», - skazaŭ Žaraŭ. Jon vykazaŭ nadzieju, što ŭ telekampanii chutki spraviacca z vypraŭleńniem parušeńnia.

Na pytańnie, ci niama ŭ dziejańniach Raskamnahlada ŭ dačynieńni da CNN palityčnaj padaploki i nie źjaŭlajecca heta reakcyjaj na patrabavańnie amierykanskich uładaŭ da rasijskaha kanała RT zarehistravacca ŭ jakaści zamiežnaha ahienta, Žaraŭ adkazaŭ: «Ja pracuju nie ŭ palityčnym viedamstvie, ja pracuju ŭ nahladnaj słužbie. My vyjaŭlajem parušeńni ŭ ŚMI i na ich reahujem».

Клас
0
Панылы сорам
0
Ха-ха
0
Ого
0
Сумна
0
Абуральна
0