Niepaŭnahadovy N. vychoŭvaŭsia ŭ vonkava narmalnaj siamji. Ale na spravie ŭsio było zusim nie tak.

«Maci hłyboka vierujučy čałaviek, pracavała ŭ carkoŭnaj łaŭcy, trymała ŭsie carkoŭnyja pasty i pry luboj mahčymaści padarožničała pa śviatych miescach. Svaju vieru jana sprabavała pryščapić i niepaŭnaletniamu N., ale chłopčyk byŭ nie hatovy hadzinami malicca, admaŭlacca ad ježy i h.d. Strohaje vykanańnie ŭsich patrabavańniaŭ maci, pryčyniała dziciaci nievynosnyja maralnyja i fizičnyja pakuty, pakolki niepaŭnahadovy N. — invalid», - paviedamlaje prakuratura Viciebska.

Adnak za luboje niepadparadkavańnie, admova ad malitvy abo pasta, maci žorstka karała syna. Tak, 30 lipienia (paśla čarhovaj admovy syna ad malitvy) maci schapiła N. za hałavu, udaryŭšy ab draŭlanuju partu, knihaj pa hałavie, a zatym naniesła kala 5 udaraŭ šklanym słoikam pa hałavie, pavaliła na padłohu, sieła źvierchu. U praciah svaich złačynnych dziejańniaŭ, abchapiła jaho šyju rukami i dušyła, zdušvajučy orhany šyi, pahražała pry hetym zabojstvam.

U metach abarony pravoŭ i zakonnych intaresaŭ niepaŭnaletniaha pa hetym fakcie prakuraturaj Viciebska zaviedziena kryminalnaja sprava za pahrozu zabojstvam. Maksimalnaje pakarańnie — 2 hady pazbaŭleńnia voli.

Akramia taho, ŭniesiena pradstaŭleńnie načalniku adździeła adukacyi, sportu i turyzmu administracyi Pieršamajskaha rajona Viciebska z patrabavańniem ab pryznańni N. majučym patrebu ŭ dziaržaŭnaj abaronie i kanfiskacyi ź siamji.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?