Śledčyja vyśviatlajuć abstaviny śmierci dvuch dziaciej i ich maci paśla chatnich rodaŭ u Bierazinie, paviedamlaje pres-słužba SK.

sk.gov.by

sk.gov.by

Uviečary 28 vieraśnia ŭ reanimacyjnaje adździaleńnie rajonnaj balnicy z kryvaciokam była špitalizavana 29-hadovaja žančyna.

Jaje ŭ ciažkim stanie pabačyła svajačka i paviedamiła ŭ chutkuju. Na miesca skiravałasia miedycynskaja bryhada i ŭ prymusovym paradku dastaviła ŭ špital — žančyna admaŭlałasia ad špitalizacyi. Padčas abśledavańnia pacyjentki ŭ reanimacyjnym adździaleńni miedrabotniki vyjavili ślady niadaŭnich rodaŭ. Praź niekalki hadzin žančyna pamierła ŭ balnicy.

Dadomu da paradzichi adpraviłasia śledča-apieratyŭnaja hrupa. Hrupa pabačyła ŭ vannym pakoi dźviuch novanarodžanych dziaŭčynak biez prykmiet žyćcia. Ustanoŭlena, što žančyna chavała svajo stanovišča i nie była na ŭliku pa ciažarnaści i rodach. Jana i naradziła doma dźviuch dziaŭčynak.

Śledčyja apytvajuć svajakoŭ, susiedziaŭ, źbirajuć materyjał, jaki charaktaryzuje siamju. Žančyna žyła razam z mužam i šaścihadovym synam.

Muž zajaviŭ śledčym, što pra ciažarnaść žonki nie viedaŭ. Kali jana naradžała, jaho i syna ŭ kvatery nie było.

Клас
0
Панылы сорам
0
Ха-ха
0
Ого
0
Сумна
0
Абуральна
0