president.gov.by

president.gov.by

Nastupny hod u sielskaj haspadarcy Biełarusi projdzie pad znakam naviadzieńnia paradku i kultury ziemlarobstva.

Adpaviednuju zadaču Alaksandr Łukašenka pastaviŭ 29 vieraśnia padčas rabočaj pajezdki ŭ Minskuju vobłaść (Klecki rajon), dzie aznajomiŭsia z chodam vosieńskich palavych rabot, paviedamlaje pres-słužba kiraŭnika krainy.

«Nastupny hod my addamo całkam paradku, kultury ziemlarobstva, kultury na palach. Heta budzie naš hałoŭny hod», — zajaviŭ jon.

«Bolš nie raźličvajcie na vialikija hrošy i kapitalnuju padtrymku. Hod dobry, zarablajcie hrošy. My pavinny skancentravać srodki na mielijaracyjnych, kulturna-techničnych rabotach. Treba davodzić da ładu krainu i narešcie ćviorda pastavić pytańnie pa rekultyvacyi byłych fierm», - skazaŭ Łukašenka.

Asablivy akcent kiraŭnik dziaržavy zrabiŭ na pytańni dyscypliny.

Jon padkreśliŭ, što ŭ hetym płanie nielha pad kahości padładžvacca, a važna patrabavać vyraznaha vykanańnia pastaŭlenych zadač. «Usie viedajuć, jak rabić.

Hałoŭnaje — prymusić ludziej vykonvać.

Za toje, što vy žorstka budziecie pytacca za vykanańnie technałohii, vas nichto nikoli nie pakaraje», - reziumavaŭ biełaruski lidar.

Alaksandr Łukašenka ahledzieŭ bulbaschovišča, dzie jamu dałažyli ab vykanańni daručeńniaŭ pa zabieśpiačeńni zachoŭvańnia bulby i płodaaharodninnaj pradukcyi. Tam ža jon aznajomiŭsia z technałohijaj zakładki zbožža kukuruzy ŭ palimierny rukaŭ.

U AAT «Kuchčycy» Łukašenka taksama aznajomiŭsia z uborkaj cukrovych burakoŭ.

president.gov.by

president.gov.by

Клас
0
Панылы сорам
0
Ха-ха
0
Ого
0
Сумна
0
Абуральна
0