U Mumbai ŭ vyniku ciskaniny na čyhunačnaj stancyi Elfinstan-roŭd zahinuli 22 čałavieki. Jašče 30 čałaviek atrymali traŭmy. Na miescy pracujuć miedyki i ratavalniki, paviedamlaje VVS.

Getty

Ciskanina adbyłasia na padviesnym moście, pa jakim pasažyry vychodziać z płatformy. Išoŭ mocny doždž, i pad naviesam mosta stali źbiracca ludzi, kab nie pramoknuć. Da ich dałučalisia pasažyry prybyvajučych ciahnikoŭ.

Stancyja Elfinstan-roŭd — pierasadkavaja, jana złučaje dźvie najbujniejšyja čyhunačnyja haliny Mumbai.

Kali doždž skončyŭsia, natoŭp u śpiešcy pačaŭ vychodzić z mosta na vulicu, i zdaryłasia ciskanina.

Paśla incydentu znoŭ abmiarkoŭvajucca niedachopy staroj transpartnaj infrastruktury Mumbai, jakoj kožny dzień karystajecca niekalki miljonaŭ čałaviek.

Urad štata Macharaštra praviadzie rasśledavańnie incydentu. Svajakam kožnaha zahinułaha budzie vydzielenaja kampiensacyja pa 500 tys. rupij (kala 7,6 tys. dalaraŭ).

Клас
0
Панылы сорам
0
Ха-ха
0
Ого
0
Сумна
0
Абуральна
0