Homielski abłasny sud vynies prysud žycharcy vioski Ziabraŭka Homielskaha rajona, jakaja vykinuła novanarodžanaha syna ŭ tualet, pieradaje BIEŁTA.

Za ździajśnieńnie złačynstva, praduhledžanaha p. p. 2,6 č. 2 art. 139 (zabojstva zaviedama małaletniaha, učynienaje z asablivaj žorstkaściu) KK sud prysudziŭ abvinavačvanuju da 15 hadoŭ pazbaŭleńnia voli va ŭmovach ahulnaha režymu.

Jak paviedamlałasia, u krasaviku biahučaha hoda 29-hadovaja žančyna bieź miedycynskaj dapamohi naradziła doma chłopčyka. Novanarodžanaha zaharnuła ŭ anučy i vykinuła ŭ tualet. U adkaz na rospyty znajomych, jakija viedali ab ciažarnaści, adkazvała, što mały naradziŭsia miortvym i jana jaho pachavała. Joj nie pavieryli, bo žančyna viała biazładnaje pałavoje žyćcio, a svajo pieršaje dzicia pakinuła ŭ špitali. Supracoŭnikam pravaachoŭnych orhanaŭ jana ahučyła prydumanuju infarmacyju, abvinavaciŭšy ŭłasnaha baćku ŭ tym, što heta jon pazbaviŭsia ad unuka.

Ekśpiertyza znojdzienaha ŭ prybiralni cieła dziciaci pakazała, što chłopčyk naradziŭsia žyćciazdolnym i jašče niejki čas byŭ žyvy. Akramia taho, psichołaha-psichijatryčnaja ekśpiertyza pakazała, što žančyna mahła kiravać svaimi dziejańniami i nie znachodziłasia va ŭmovach psichatraŭmujučaj situacyi, vyklikanaj rodami.

Клас
0
Панылы сорам
0
Ха-ха
0
Ого
0
Сумна
0
Абуральна
0