U TRC Galleria Minsk adkryłasia krama i-Store u topavym statusie Apple Premium Reseller. Jaje adroźnivajuć šourum sa stendami, vialikaja demanstracyjnaja zona i śpiecyjalnaja siekcyja ekśpiertaŭ, jakija kansultujuć i navučajuć naviedvalnikaŭ.

Krama mieścicca na pieršym paviersie handlovaha centra. Na płoščy ŭ 100 «kvadrataŭ» arhanizavany stendy z apošnimi devajsami Apple i dema-zona Beats z adnajmiennymi navušnikami. Kožnuju navinku možna pratestavać asabista: naprykład, pasłuchać muzyku na płanšecie ci pahladzieć film na noŭtbuku. Praduhledzieli i stoł dla navučańnia — raźvivać svaje technanavyki mohuć jak darosłyja, tak i dzieci.

Pamiaškańniu nadali sučasny interjer pa standartach Apple. Dyzajn-prajekt novaj kramy stvarali śpiecyjalisty z Kupiercina, a ŭ Minsku jaho realizavali z dakładnaściu da kožnaha aksesuara. Meblu pryvieźli ź Jeŭropy, parkiet — z Kanady, a ścieny pakryli śpiecyjalnymi śvietłavymi panelami. Asnoŭnaja ideja — pahruzić naviedvalnika ŭ śviet Apple, kab jon zaziraŭ u kramu nie tolki pa pakupki.

Jašče adnym adroźnieńniem stała śpiecyjalnaja siekcyja kansultacyj i navučańnia Flex Table — pa anałohii z «baram hienijaŭ» u amierykanskich kramach Apple. Luby naviedvalnik moža prysieści za stoł i atrymać dapamohu ad ekśpierta, u tym liku jak vybrać abo naładzić tuju ci inšuju pryładu.

«Adkryćcio i-Store hraje vialikuju rolu dla raźvićcia biełaruskaha rynku. Pierš za ŭsio, prychilniki brenda atrymali paŭnavartasny šourum u centry Minska, u jaki možna zazirnuć dziela pakupak abo abmierkavańnia navinak. Akramia taho, my ŭzmacniajem pazicyi brenda i aficyjnaj roźnicy ŭ Biełarusi, što ŭrešcie dazvolić damahacca lepšych umoŭ dla krainy. Tak što, u rešcie rešt, u vyjhryšy akažacca biełaruski spažyviec», — padkreślili ŭ i-Store.

U kramie sabrany praktyčna ŭsie pryłady kampanii Apple, jakija dapaŭniajuć šmatlikija aksesuary inšych brendaŭ. Suśvietnyja navinki buduć źjaŭlacca tut adnymi ź pieršych u Biełarusi, a košty abiacajuć trymać na rynkavym uzroŭni. Pryčym čas ad času ich buduć źnižać. U pryvatnaści, da adkryćcia i-Store IPad i apošnija MacBook na try dni «schudnieli» ŭ košcie na 25%.

Uładalnikam kramy vystupaje kampanija «ASBK», jakaja adkryła ŭ 2012 hodzie i-Store na vulicy Lenina. Adnak praktyčna ŭsie pracesy, niachaj heta budzie vybar miesca, afarmleńnie kramy i navučańnie piersanału, adbyvalisia z udziełam kalifarnijskich śpiecyjalistaŭ. «Apple adsočvaŭ kožnuju detal, usio pavinna było adpaviadać vysokim standartam. Tamu novaja krama ničym nie sastupaje tym, što pracujuć u Amierycy, Jeŭropie i Azii», — rastłumačyli ŭ kampanii.

Partniorski materyjał, padrychtavany z dapamohaj AHT-miedyja.

Клас
0
Панылы сорам
0
Ха-ха
0
Ого
0
Сумна
0
Абуральна
0