Administracyja prezidenta Ukrainy Piatra Parašenki padrychtavała zakonaprajekt «Ab asablivaściach dziaržaŭnaj palityki pa adnaŭleńni dziaržaŭnaha suvierenitetu Ukrainy nad časova akupavanaj terytoryi Danieckaj i Łuhanskaj abłaściej Ukrainy», paviedamlaje UP.

Raniej zakonaprajekt byŭ uzhodnieny z zamiežnymi partniorami, u tym liku z krainami — udzielnicami Narmandskaha farmatu i ZŠA.

Miarkujecca, što dadzieny zakonaprajekt zakanadaŭča zamacuje status Rasii jak krainy-ahresara, a pravavy režym ATA budzie zamienieny novym, jakoha ciapier niama va ŭkrainskim zakanadaŭstvie.

U Administracyi prezidenta Ukrainy čakajuć, što pryniaćcie zakona ŭzmocnić pazicyi krainy ŭ Mižnarodnym sudzie AAN, a taksama dapamoža va ŭzhadnieńni patrebnaha Kijevu farmatu miratvorčaj apieracyi.

Paviedamlajecca taksama, što aŭtary zakona nastojvajuć na tym, kab novy zakon byŭ pryniaty na praciahu adnaha plenarnaha tydnia, u suviazi z tym, što 18 kastryčnika minaje termin dziejańnia zakona ab asablivym paradku miascovaha samakiravańnia ŭ asobnych rajonach Danbasa.

Клас
0
Панылы сорам
0
Ха-ха
0
Ого
0
Сумна
0
Абуральна
0