Rasija pakinuła častku svaich vajskoŭcaŭ na terytoryi Biełarusi paśla vučeńniaŭ «Zachad-2017». Takuju zajavu ŭ intervju ahienctvu Rejter zrabiŭ kiraŭnik Hienieralnaha štaba Ukrainy hienierał armii Viktar Muženka.
Rasija, pavodle słovaŭ Muženki, na samaj spravie vyvieła tolki małuju častku sałdat i aficeraŭ pa zakančeńni manieŭraŭ.
«U nas jość infarmacyja, što jany adklikali tolki niekalki padraździaleńniaŭ, pry tym, što było zajaŭlena 12 500 vajskoŭcaŭ, ź jakich 3000 byli rasiejcami», - zajaviŭ kiraŭnik Hienštaba, vykazaŭšy ŭpeŭnienaść, što ŭ realnaści lik udzielnikaŭ vučeńnia byŭ značna bolšy.
Vučeńni «Zachad-2017» prajšli na terytoryi Biełarusi i Rasii 14—20 vieraśnia.
Na aficyjnym sajcie vučeńniaŭ 28 vieraśnia było apublikavana paviedamleńnie ab tym, što apošni ešałon z asabovym składam i technikaj padraździaleńniaŭ Uzbrojenych sił Rasii, jakija brali ŭdzieł u «Zachadzie-2017», pakinuŭ Biełaruś.
