Karystalniki Apple pakul nie vielmi zadavolenyja madellu iPhone 8. Niekatoryja paviedamlajuć pra starońni šum padčas razmovy (heta vytvorca paabiacaŭ vypravić). Pry hetym tajvanskija ŚMI paviedamili pra vybuch, jaki adbyŭsia padčas zaradki pryłady aryhinalnaj zaradkaj.
Karystalnica Vu z Tajčžun-Sici zajmieła iPhone 8 Plus 64 Gb zusim niadaŭna. Smartfon paśpiachova adpracavaŭ try dni, paśla čaho vybuchnuŭ prosta padčas zaradki. U momant pastanoŭki na zaradku ŭ pryładzie było 70% enierhii. Praz 180 siekund paśla pastanoŭki na zaradku smartfon rezka vybuchnuŭ, pry hetym u jaho adarvałasia zadniaje viečka.
Žančyna zajaviła, što karystajecca pryładami Apple, pačynajučy ad iPhone 4 i raniej nie mieła padobnych prablem. Pryłada adpraŭlenaja na zavod-vytvorcu dla vyśviatleńnia pryčyn. Pakul niama padstaŭ ličyć dadzienuju źjavu masavaj. Nie vyklučana, što detanacyju vyklikaŭ skačok napružańnia.
