Ekanamičny sud Minskaj vobłaści raspačaŭ vytvorčaść pa spravie ab bankructvie TAA «Holf Kłub» i ŭvioŭ u dačynieńni da hramadstva achoŭny pieryjad da 7 listapada. Pra heta havorycca ŭ materyjałach suda.

Zajavu ab ekanamičnaj niepłaciežazdolnaści «Holf Kłuba» ŭ sud padała inśpiekcyja MPZ pa Minskim rajonie na padstavie «niepłaciežazdolnasci daŭžnika, jakaja maje ŭstojlivy abo nabyvaje ŭstojlivy charaktar». Padatkaviki pakazali na kredytorskuju zapazyčanaść kampanii ŭ pamiery 6,3 młn rubloŭ, debitorskuju zapazyčanaść u pamiery 14,5 miljonaŭ rubloŭ.

«Holf Kłub» pierajšoŭ pad kantrol ukrainskaha biznesoŭca Mikałaja Łahuna ŭ 2007 hodzie, paśla taho jak Alaksandr Łukašenka padpisaŭ ukaz «Ab budaŭnictvie spartyŭna-turystyčnaha holf-kompleksu ŭ Minskim rajonie». Partnioram Łahuna ŭ «Holf Kłubie» staŭ «Prezidencki spartyŭny kłub», kiruje jakim siaredni syn biełaruskaha kiraŭnika Dźmitryj Łukašenka.

Na terytoryi «Holf Kłuba» Łahun pačaŭ budaŭnictva katedžnaha pasiołka «Hrynvič». Partniorstva z uładaj dazvoliła Łahunu «razharnucca» u Biełarusi. Jaho aktyvami stali «Delta Bank» i sietka kram «Rodnaja Staronka». Drabniejšymi - try strachavyja kampanii.

U 2010 hodzie Mikałaj Łahun navat źjaviŭsia na publicy z Łukašenkam. Jany pili harbatu z chatnim piečyvam ŭ sacyjalnaj vioscy «Vytoki», jakuju prafinansavaŭ Łahun.

Nastupny burny rost na fonie kryzisnych źjaŭ u ekanomicy pryvioŭ da krachu «Delta Banka» ŭ 2015 hodzie. Dalej pačali zduvacca i inšyja biznesy.

Učastak zabudovy pieradali ŭkazam prezidenta kampanii «Zialonaja havań», afilavanaj z «Manalit Hrup» siamji Jermašovych. Da kanca 2030 hoda kampanija pavinna zabiaśpiečyć budaŭnictva i ŭvod žylla i infrastruktury na terytoryi 380 ha.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?