U Katałonii hrupy aktyvistaŭ, jakija padtrymlivajuć refierendum, pačali zajmać pamiaškańni ŭ niekatorych škołach Barsiełony, dzie na 1 kastryčnika zapłanavana pravieści hałasavańnie.
Pra heta paviedamlaje El Pais.
Aktyvisty płanujuć zrabić usio, kab škoły na praciahu vychodnych byli adčynienyja, sprabujučy abyści zahad Vyšejšaha suda Katałonii pra zakryćcio škoł, dzie pavinny być stvoranyja vybarčyja ŭčastki.
Paviedamlajecca, što aktyvisty, siarod jakich jość vučni, ich baćki, nastaŭniki, vypuskniki i inšyja, płanujuć pravieści dźvie nočy ŭ škołach, uładkoŭvajučy tam «pižamnyja viečarynki», hulni, kiempinhi, vorkšopy dy inšaje.
Naprykład, u rajonie Hras kala 200 čałaviek, pieravažna baćki, «zachapili» škołu Pau Casals.
«Incydentaŭ nijakich nie adbyłosia. Dzieci hulajuć, a baćki arhanizujuć mierapryjemstvy na vychadnyja», — rastłumačyli pradstaŭniki kamisii, stvoranaj hrupaj baćkoŭ.
Jak viadoma, u niadzielu ŭ Katałonii maje adbycca refierendum ab niezaležnaści ad Ispanii. Aficyjny Madryd abiacaje nie dapuścić jaho praviadzieńnia.
