Chutčej za ŭsio Abjadnanyja demakratyčnyja siły nie buduć centralizavana zdymać svaich kandydataŭ z vybaraŭ. Prajekt takoha rašeńnia płanujecca vynieści na zaćvierdžańnie siabraŭ Palitrady ADS, jakija źbiarucca ŭ Minsku 21 vieraśnia.

Prezidyum Palitrady ADS vykazaŭsia suprać źniaćcia demakratyčnych kandydataŭ za niekalki dzion da hałasavańnia. Takoje rašeńnie było pryniataje 10 vieraśnia ŭ Minsku. Na dumku lideraŭ apazicyi, źniaćcio kandadataŭ nie dazvolić vykryć usie parušeńni Vybarčaha zakanadaŭstva na apošnim etapie kampanii — hałasavańni.

Jak paviedamiŭ staršynia Abjadnanaj hramadzianskaj partyi Anatol Labiedźka, Prezidyum taksama vyrašyŭ zrabić maksimalna «ščylnaje» nazirańnie u tych akruhach, dzie kandydaty ADS majuć realnyja šansy piermahčy. Havoryć Anatol Labiedźka:

‑ Pa samych ścipłych padlikach my možam kazać pra 25 akruhaŭ, dzie kandydaty ad Abjadnanych demakratyčnych sił mohuć realna raźličvać na pieramohu, biez usialakich naciažak. I my damovilisia, što kožnaja struktura zrobić taki samaanaliz i vyznačyć akruhi, na jakich jany buduć u pieršuju čarhu kancentravacca.

Nahadajem, što ŭ adzinym śpisie ADS zaraz zastajucca 78 kandydataŭ u deputaty.

Kastuś Vansiacki, Radyjo Racyja

Клас
0
Панылы сорам
0
Ха-ха
0
Ого
0
Сумна
0
Абуральна
0