«Praca pa stvareńni spryjalnaha dziełavoha klimatu ŭ krainie budzie praciahvacca».

Pra heta premjer‑ministr Biełarusi Siarhiej Sidorski zajaviŭ 10 vieraśnia na ŭračystaj cyrymonii ŭznaharodžańnia pieramožcaŭ i łaŭreataŭ respublikanskaha konkursu «Najlepšy pradprymalnik 2007 hoda», paviedamlaje pres‑słužba ŭrada.

Jak zaznačyŭ premjer, urad atrymaŭ aficyjnaje zaklučeńnie Suśvietnaha banka i Mižnarodnaj finansavaj karparacyi ab tym, što Biełaruś uvajšła ŭ lik suśvietnych lideraŭ pa praviadzieńni pravavych reform, skiravanych na spraščeńnie viadzieńnia biźniesu. Taksama Biełaruś uvajšła ŭ lik čatyroch viadučych dziaržaŭ‑refarmataraŭ u narmatyŭnaj i pravavoj śfiery.

«Ciapier pierad nami stajać novyja zadačy — uvajści ŭ lik pieršych 30 krain», — padkreśliŭ S.Sidorski.
Jon dadaŭ, što ŭ hetych rejtynhach nie ŭličany makraekanamičnaja palityka, jakaść infrastruktury, valutnaja ŭstojlivaść, uzrovień złačynnaści. «Ale ž mienavita tut zroblena dastatkova šmat u našaj krainie, i z ulikam hetych kryteryjaŭ rejtynh Biełarusi jašče vyšejšy», — ličyć premjer‑ministr.

Na dumku kiraŭnika ŭrada, pradprymalniki pavinny pierachodzić ad prostych schiem raźvićcia da bolš składanych, nacyjanalnamu biźniesu treba bolš aktyŭna ŭciahvacca ŭ praces inavacyjnaha raźvićcia krainy.

«Mienavita ž pradprymalnickaje asiarodździe zaŭsiody było najbolš usprymalnym da ŭsiaho novaha i pieradavoha. Ad biźniesu my čakajem sacyjalnaj adkaznaści,
admovy ad «šerych» schiem pracy, realizacyi doŭhaterminovych inviestycyjnych prajektaŭ, udziełu ŭ vyrašeńni najbolš vostrych prablem našaha hramadstva», — skazaŭ jon.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?