Pavodle apazycyjanera, u jaho skrali niekalki socień paasobnikaŭ niezaležnych hazet «Narodnaja Vola», «Naša Niva» i «Kuŕjer iz Vitiebska», piać časopisaŭ «Arshe» i piać zbornikaŭ Uładzimiera Padhoła — «cytatnikaŭ» A.Łukašenki.

Raspaŭsiudnik niezaležnaj presy patłumačyŭ, što zachoŭvaŭ usio heta ŭ znajomych — kab štodnia nie vazić drukavanyja vydańni ŭ centar horadu z uskrainy Viciebsku, dzie jon žyvie. Siońnia rankam jon adčyniŭ haspadarčuju pabudovu, kab zabrać hazety i časopisy, i ŭbačyŭ, što tam pusta.

Apazycyjaner kaža, što, vierahodniej za ŭsio, złodziei adsačyli, dzie jahony «skład», i padabrali klučy, bo dźviery ŭzłamanyja nie byli.

Adnak źviartacca ŭ milicyju z zajavaj pra kradziož spadar Chamajda nie źbirajecca, bo nia vieryć, što złodziejaŭ pačnuć šukać.

Na jahonuju dumku, hety rabunak nievypadkovy: Barys Chamajda ličyć, što jon źviazany z vybarčaj kampanijaj, bo ŭ niezaležnaj presie, jakuju jon raspaŭsiudžvaje, apošnim časam źjaviłasia šmat artykułaŭ pra apazycyjnych kandydataŭ, zaŭvažanyja naziralnikami parušeńni i hetak dalej. Padobnyja vydańni karystajucca popytam u žycharoŭ Viciebsku, i chtości, vierahodna, vyrašyŭ pazbavić ludziej praŭdzivaj infarmacyi, miarkuje apazycyjaner.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?