Siarod pieramožcaŭ Aksana Zabužko, Juryj Andruchovič, Lubko Dereš, Jury Pakalčuk (paśmiarotna).

Časopis «Korriespondient» zładziŭ čarhovy štohadovy konkurs «Najlepšaja ŭkrainskaja kniha». U im biaruć udzieł litaraturnyja tvory, vydadzienyja va Ŭkrainie i napisanyja ŭkrainskimi aŭtarami. Sioleta ŭ prajekcie prymali ŭdzieł knihi, što ŭpieršyniu vydali ŭ 2007 hodzie. Pa praviłach konkursu pieramožcy vyznačajucca ŭ dva etapy ŭ dźviuch naminacyjach — «Beletrystyka» (ramany, apovieści, zborniki apaviadańniaŭ) i «Dakumentalistyka» (memuary, bijahrafii, publicystyka).

Najlepšymi beletrystami «Korriespondient» nazvaŭ Jurja Pakalčuka («Kama Sutra»), Sofju Andruchovič («Siomha»), jaje tatu Jurja Andruchoviča, Lubamira Dereša, Siarhieja Žadana («Trochcylindrovy ruchavik lubovi»), Ładu Łuzinu («Kijeŭskija viadźmarki. Streł u opery»).

Paet i pierakładčyk Jury Pokalčuk premiju atrymaŭ paśmiarotna — jon pamior u noč z 9 na 10 vieraśnia.

U naminacyi «Dakumentalistyka» pieramahli Aksana Zabužko («Notre Dame D'Ukraine: Ukrainka ŭ kanflikcie mitalohijaŭ») - kniha pra klasyka ŭkrainskaj litaratury Lesiu Ŭkrainku, Juryj Andruchovič («Tajamnica»), Andrej Kakaciucha («Jury Łucenka — palavy kamandzir»).

Aksana Zabužko pieramahała ŭžo ŭ konkursie ŭ hod jahonaha zasnavańnia ŭ 2006 hodzie. Raniej najlepšymi pryznavalisia taksama Jury Andruchovič i Lubamir Dereš. Pamier premii ŭ hetym hodzie składaje kala $2000 za 1‑ie miesca, kala $700 za 2‑ie, kala $300 za 3‑ie miesca. Kancern «Chorcica», jaki dałučyŭsia da ŭznaharodžańnia lepšych ukrainskich litarataraŭ, dadaŭ sioleta da premii «Korriespondienta» pa $1200, $800 i $500 za 1‑ie, 2‑ie i 3‑ie miescy adpaviedna.

SP; pavodle Korriespondient.net

Клас
0
Панылы сорам
0
Ха-ха
0
Ого
0
Сумна
0
Абуральна
0