Sielskaja haspadarka demanstruje pośpiechi za košt užyvańnia sučasnych technalohijaŭ, adnak całkam admovicca ad savieckich tradycyjaŭ pakul nie źbirajecca.

Sioleta ŭ Biełarusi atrymany rekordny ŭradžaj zbožžavych — 9,3 młn tonaŭ. Pra asablivaści žniva ŭ interviju BIEŁTA raspavioŭ namieśnik ministra sielskaj haspadarki i charču Vasil Paŭłoŭski.

U hutarcy na siabie źviartajuć uvahu niekatoryja momanty.

Tak, namieśnik ministra tłumačyć pośpiechi ajčynnych chlebarobaŭ tym, što kiraŭniki haspadarak stali «bolš patrabavalnymi da vykanańnia technalohii vyroščvańnia zbožžavych», a taksama istotnym abnaŭleńniem mašynna-traktarnaha parku dy nadzvyčaj spryjalnym nadvorjem.
Dziakujučy vykarystańniu sučasnych technalohijaŭ niekatoryja haspadarki, u pryvatnaści SVK «Vierciališki» z Haradzienskaha rajonu, dasiahnuli niečuvanych raniej u Biełarusi ŭradžajaŭ — za 100 c/ha.

Namieśnik ministra nazvaŭ samyja vysokaprybytkovyja kultury, zdolnyja «značna palepšyć usiu ekanomiku sielskahaspadarčych arhanizacyjaŭ» — pivavarny jačmień i nasieńnie rapsu, zakupačnyja ceny na jakija ŭ hetym hodzie istotna vyšejšyja za ceny na charčovuju pšanicu. Na poŭdni Biełarusi čas pierahledzieć sievazvarot — paciapleńnie robić aktualnymi ekzatyčnyja dahetul prosa, sorha, słaniečnik i soju.

U toj ža čas, rekordnaje žnivo ahaliła pytańnie tatalnaha niedachopu sušylnych kompleksaŭ.

Takim čynam, ź interviju vynikaje, što biaz chleba biełarusy nie zastanucca najpierš dziakujučy vykarystańniu sučasnych technalohijaŭ. Adnak całkam admovicca ad savieckich tradycyjaŭ naša sielskaja haspadarka pakul nie źbirajecca. Žnivo pa raniejšamu zastajecca «ahulnym kłopatam» nia tolki ahrarnikaŭ, ale j haradzkoha nasielnictva, vajskoŭcaŭ, pramysłoŭcaŭ transpartnikaŭ. Jak i hod, i dva tamu praktykujecca pierahon ŭboračnaj techniki ź Bieraściejščyny na Viciebščynu. Za svaju nialohkuju pracu častku zarobku viaskoŭcy atrymlivajuć naturapłataj. A pamier budučaha ŭradžaju vyznačajecca kiraŭnikom dziaržavy na hod napierad — u nastupnym hodzie kroŭ z nosu, ale musim atrymać 10 miljonaŭ. Asnoŭnaha pryrostu sielhaspradukcyi, darečy, miarkujecca dasiahnuć za košt Viciebščyny, Mahiloŭščyny i Homielščyny, dzie, pa słovach V. Paŭłoŭskaha, «zastaŭsia vielmi vialiki niavykarystany patencyjał ziamli».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?