Kiroŭnaja partyja Tajlandu, “Siła Narodu”, abvieściła siońnia ranicoj, što całkam patrymlivaje svajho lidera, Samaka Suntaraveta, zvolnienaha z pasady premjer-ministra ŭ hety aŭtorak, i budzie znoŭku hałasavać za jahonuju kandydaturu na specyjalnym pasiedžańni parlamentu ŭ piatnicu. Viarchoŭny sud adchiliŭ jaho ad pasady premjera, bo, atrymaŭšy kiroŭny post, jon nia kinuŭ vieści kulinarnaje šoŭ na telebačańni. I za hetaje šoŭ, nibyta, atrymlivaŭ hanarary. A ŭ Tajlandzie zakon zabaraniaje dziaržaŭnym słužboŭcam zajmacca kamercyjaj. Rašeńnie partyi moža jašče bolš napružyć sytuacyju ŭ hetaj azijackaj krainie.

Zajava prahučała na tle ciažkaha palityčnaha kryzisu. Nahadajem, 2 vieraśnia ŭ krainie było abvieščanaje nadzvyčajnaje stanovišča. Heta adbyłosia paśla taho, jak tysiačy pratestoŭcaŭ, uzrušanych pastanovaj vybarčaj kamisii ab tym, što premjer sfalsyfikavaŭ letašnija vybaryŭ, uvarvalisia na terytoryju ŭradavaha kompleksu ŭ Banhkoku i sparalizavali pracu kiroŭnych orhanaŭ. Cikava, što apanenty ŭradu, moža, i padali ŭ Viarchoŭny sud bieźlič skarhaŭ, ale mienavita taja, što mieła dačynieńnie da niezakonnaha sumiaščeńnia Suntaravetam pasadaŭ premjer-ministra i televizijnaha kuchara, pryviała ŭrešcie da jahonaha adchileńnia ad kiravańnia dziaržavaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?