Adzin z samych samabytnych hurtoŭ Biełarusi, mienskaja art-rok kamanda TonqiXod abviaščaje ab spynieńni sumiesnaj tvorčaj dziejnaści. Chłopcy adyhrajuć zapłanavanyja kancerty, uklučajučy vialiki solnik u kłubie TNT Rock Club, i adpraviacca ŭ biesterminovy tvorčy adpačynak.

Fota Tani Kapitonavaj, 34mag.net

Fota Tani Kapitonavaj, 34mag.net

Na aficyjnaj staroncy TonqiXod u VK byŭ apublikavany post pra toje, što solny kancert 2 listapada ŭ kłubie TNT Rock Club stanie dla hurta apošnim na «blizkuju i dalokuju budučyniu».

«Dapuskajem, što dla niejkich nadzvyčajnych nahodaŭ praz hod, dva abo piać my, mahčyma, źbiaremsia. Asabliva, kali budzie niejkaja cikavaja prapanova. Ale ahułam dziejnaść našaha trya patrochu sychodzić u fazu letarhičnaha snu», — pišuć muzyki.

Vakalist i hitaryst TonqiXod Uładzimir Lankievič prakamientavaŭ dla 34mag.net hetuju navinu tak:

— Pa sutnaści, inicyjataram staŭ kłavišnik Maksim Subač. Pa jaho słovach, jon nie atrymlivaje dastatkovaj psichałahičnaj i ekanamičnaj addačy ad našaj aktyŭnaj dziejnaści. Jon hanarycca tym, što my stvaryli, ale nie adčuvaje dastatkovaha impetu, kab praciahvać u raniejšym tempie.

My płanujem zajhrać kancerty, pra jakija było zahadzia damoŭlena. Heta nievialiki set 29 kastryčnika ŭ «Briuhhie» na kancercie «(Nie)rasstralanaja paezija», solny kancert u TNT Rock Club 2 listapada i niekalki kancertaŭ u Polščy ŭ listapadzie. Taksama my nie vyklučajem, što praź niejki čas pry spryjalnych umovach mahčyma uźjadnańnie.

Zastajecca tolki padziakavać chłopcam za ich vydatnuju muzyku, pažadać im pośpiechu i spadziavacca na chutkaje ŭźjadnańnie. I viadoma ž, «naviedać apošni solny kancert TonqiXod ŭ Miensku» zaraz stanovicca abaviazkovym punktam u to-do liście kožnaha biełaruskaha miełamana.

Клас
Панылы сорам
Ха-ха
Ого
Сумна
Абуральна