Za tydzień prahladu rasijskaha telebačańnia možna vielmi šmat pačuć pra padziei ŭ śviecie, adnak nie atrymać nijakaj infarmacyi ab tym, što adbyvajecca ŭ samoj Rasii.

«Budźcie ŭpeŭnienyja, vam mnohaje raskažuć pra Ukrainu», — piša ŭ svajoj spravazdačy rabočaja hrupa ES pa pieraadoleńni dezinfarmacyi European External Action Service East Stratcom Task Force, pieradaje Hołas Amieryki.

Z 71 temy 60 było ab padziejach pa-za Rasijaj, adznačajecca ŭ spravazdačy rabočaj hrupy ES, składzienaj na asnovie prahladu rasijskaha telebačańnia na praciahu tydnia 13-19 kastryčnika — 21 televizijnaj hadziny. Daśledčyki paličyli vahu paviedamleńniaŭ pra śviet pa-za Rasijaj u 15 palityčnych i analityčnych tok-šou na troch samych papularnych kanałach: «Pieršy», «Rasija—1» i «NTV».

«Vyklučyŭšy televizar, vy razumiejecie, što praktyčna ničoha nie daviedalisia ŭłasna pra Rasiju, — adznačajuć daśledčyki. — Detalovyja abmierkavańni suśvietnych padziej paŭtarajuć adnastajnyja i dobra skaardynavanyja pasyły pra raskoły i supraćstajańni».

U pryvatnaści, na rasijskim telebačańni abmiarkoŭvajuć takija temy jak: Va Ukrainie ažyćciaŭlajecca cisk na ruskamoŭnych; «Nacysckaja orhija» va Ukrainie; Jeŭropa nie asudziła marš nacyjanalistaŭ u Kijevie; Mahčymaja pastaŭka zbroi ZŠA va Ukrainu; Moŭny zakon i apłata va ŭkrainskich škołach i inšaje.

Siarod mižnarodnych tym — adnosiny ZŠA ź inšymi dziaržavami, unutranaja situacyja ŭ ZŠA, kryzis u Katałonii, i da taho padobnaje.

Клас
Панылы сорам
Ха-ха
Ого
Сумна
Абуральна