U traŭni 2017 hoda Google abviaściła ab zapusku prajekta AIY Projects, u ramkach jakoha kampanija budzie vypuskać niedarahija nabory-kanstruktary dla amatarskich prajektaŭ u vobłaści štučnaha intelektu.
Pieršy nabor ź sieryi dazvalaŭ sabrać pryładu dla raspaznavańnia hołasu. Zaraz kampanija pradstaviła novy kanstruktar dla apracoŭki malunkaŭ. Jon składajecca z kardonnaha korpusa, dynamika, abjektyvaŭ dla kamiery, kabielaŭ i niekatorych inšych kampanientaŭ.
Hałoŭnaj asablivaściu naboru stała ŭklučanaja ŭ kamplekt płata VisionBonnet z čypam Intel Movidius. Jana dazvalaje vykarystoŭvać niejrasietkavyja ałharytmy naŭprost na płacie bieź nieabchodnaści ŭ dadatkovym kampjutary. Pa zmoŭčańni jaje prahramnaje zabieśpiačeńnie składajecca z troch roznych natreniravanych niejrasietkavych madelaŭ, pryznačanych dla raspaznavańnia abjektaŭ roznych typaŭ.
Kanstruktar dastupny dla papiaredniaje zamovy pa canie 45 dalaraŭ, a jahonyja pastaŭki majuć pačacca ŭ śniežni.
