Start, pavodle acenak kiraŭnika SpaceX, pavinien adbycca ŭ studzieni 2018 hoda. «Karysnym hruzam» rakiety stanie elektramabil Tesla Roadster, u jakim budzie hučać pieśnia Devida Boŭi Space Oddity, raspavioŭ Mask.
AP
Pieršy zapusk rakiety ciažkaha kłasa Falcon Heavy, jakuju raspracavała amierykanskaja kaśmičnaja kampanija SpaceX, projdzie ŭ studzieni 2018 hoda na mysie Kanaverał. Pra heta paviedamiŭ kiraŭnik SpaceX Iłan Mask u svaim tvitary.
Pavodle jaho słoŭ, rakieta adpravicca na arbitu Marsa. Mask paabiacaŭ, što heta padzieja «tak ci inakš buduć zachaplalnaj».
Kiraŭnik SpaceX adznačyŭ, što «karysnym hruzam» rakiety stanie jaho elektramabil Tesla Roadster višniovaha koleru, u jakim budzie hučać pieśnia brytanskaha rok-śpievaka Devida Boŭi - Space Oddity. Mask padkreśliŭ, što rakieta budzie znachodzicca ŭ hłybokim kosmasie «na praciahu miljardaŭ hadoŭ abo kala taho, kali nie vybuchnie pry ŭźlocie».
SpaceX u lutym paviedamlała, što ŭ kancy 2018 hoda ŭ tydniovy palot vakoł Miesiaca adpraviacca dva turysty. Jany buduć znachodzicca na kaśmičnym hruzaviku Dragon 2, jaki vyviedzie na arbitu rakieta Falcon Heavy. Imiony turystaŭ nie nazyvalisia. U kampanii adznačyli, što klijenty apłacili bolšuju častku koštu palotu i płanujuć pačać prachodzić miedycynskija testy i treniroŭki.
