Amierykanski Sienat uchvaliŭ prajekt zakona ab padatkovaj reformie, pieradaje Reuters. Ahienctva nazyvaje pałažeńni dakumienta najbujniejšym pierahladam praviłaŭ u hetaj śfiery.
Prajekt zakona padrychtavali respublikancy, za jaho prahałasavaŭ 51 sienatar, suprać — 49. Adno z pałažeńniaŭ zakonaprajekta praduhledžvaje źnižeńnie padatku na prybytak dla karparacyj ZŠA z 35 pracentaŭ da 20%.
Na dumku aŭtaraŭ dakumienta, heta pavysić kankurentnazdolnaść amierykanskaj ekanomiki, a taksama viernie z-za miažy prybytak amierykanskich karparacyj.
Prezident ZŠA Donald Tramp pradstaviŭ reformu ŭ vieraśni, jon taksama nazyvaŭ jaje samaj maštabnaj za try dziesiacihodździ. Reuters adznačaje, što kiraŭnik dziaržavy chacieŭ by, kab padatkovyja źmieny ŭstupili ŭ siłu da kanca 2017 hoda. Reforma stanie pieršym bujnym zakanadaŭčym dasiahnieńniem Trampa i jaho administracyi z momantu ŭstupleńnia novaha prezidenta ŭ pasadu ŭ studzieni.