Delfi.lt
«Voś heta Kaladnaja jełka!», — hetymi słovami pačynajecca artykuł pra vilenskuju jalinku na sajcie mirror.co.uk. Žurnalisty zaŭvažyli, što jaje ŭpryhožvajuć bolš za 70 000 ahnioŭ i amal 900 cacak, a zichacić jana tak jarka, što jaje možna ŭbačyć z samalota, jaki kirujecca ŭ vilenski aeraport. Vyšynia pryhažuni — 27 mietraŭ, piša Delfi.lt
Pa tradycyi — jałovymi łapami vykładvajuć mietaličny karkas. Jość spadzievy, što hetaja jołka ŭ śviatočny pieryjad pryciahnie mnostva ludziej. Pa dadzienych brytanskaha partała, vilenskaja jołka — adna z samych pryhožych u Jeŭropie.
Ružovyja i biełyja ahni na hałoŭnaj jołcy Litvy zaharelisia viečaram 1 śniežnia. Jak i ŭ minułym hodzie, ahni achapili nie tolki samu jalinku, ale i kaladny haradok. Aŭtar jołki - Daminikas Kanciavičus — skazaŭ, što ŭ hetym hodzie jołku ŭpryhožyli pa prykładzie minułaha hoda, a vynik pierasiahnuŭ čakańni. Z 2 śniežnia adkryŭsia i kaladny haradok. Jon budzie dziejničać da 7 studzienia.
