2 śniežnia kala 16.30 na piešachodnym pierachodzie kala handlovaha centra ŭ Minsku «Zamak» hruzavy aŭtamabil prataraniŭ piešachodaŭ na pierachodzie. Zahinuła dziaŭčynka, jašče niekalki čałaviek atrymali traŭmy.
Paciarpiełych niekalki — u balnicu dastaŭleny čatyry čałavieki. Zahinuła 11-hadovaja dziaŭčynka, piša Tut.by
Pavodle papiaredniaj infarmacyi, hruzavy aŭtamabil prataraniŭ piešachodaŭ, kali jany pierachodzili darohu pa piešachodnym pierachodzie na zialony sihnał śviatłafora.
«Hruzavy aŭtamabil ZIŁ ruchaŭsia z boku vulicy Sapioraŭ i ŭčyniŭ najezd na piešachodaŭ, jakija pierachodzili darohu pa rehulavanym piešachodnym pierachodzie. Pa słovach kiroŭcy, pry padjeździe da piešachodnaha pierachodu jon vyjaviŭ, što ŭ jaho admovili tarmazy. Pa papiarednich dadzienych, kiroŭca ZiIŁa ćviarozy. 11-hadovaja dziaŭčynka zahinuła ad atrymanych traŭmaŭ, čaćviora piešachodaŭ atrymali ranieńni, u tym liku — 7-hadovaje dzicia», — raspavioŭ aficyjny pradstaŭnik UDAI MUS Biełarusi Stanisłaŭ Sałaviej.