Videa avaryi na MKAD 30 listapada abyšło internet: u Dacia Logan, jakaja spyniłasia paśla drobnaj avaryi, ujechaŭ MAZ, i mašyny zaharelisia.
Kiroŭcy inšych mašyn vyciahnuli šafiora, a mužčynu — nie paśpieli, bo jaho zacisnuła ŭ sałonie. Spałachnuła mocna, u ludziej z mašyn, što spynilisia, pakančalisia vohniahaśniki. Mužčyna, faktyčna, zhareŭ žyŭcom u ludziej na vačach.
Stała viadoma, što heta byŭ Dźmitry Arechaŭ. 39-hadovy markietołah pracavaŭ u kampanijach «Altoros Development» i «Atłant-telekam». Za plačyma ŭ jaho dźvie adukacyi: inžyniernaja ź Biełaruskaha nacyjanalnaha techničnaha ŭniviersiteta i fiłasofskaja ź EHU.
Dźmitry Arechaŭ. Fota z sacyjalnych sietak.
Siabry nazyvajuć jaho «jaskravym profi biełaruskaha IT».
