Pierad Alimpijadaj u Sočy ŭ 2014 hodzie namieśnik ministra sportu Rasii Juryj Nahorny źviartaŭsia da admysłoŭcaŭ z rasijskaha antydopinhavaha kantrolu z prośbaj padmianić na pazityŭnuju čystuju dopinh-probu ŭkrainskaj bijatłanistki Vity Siemiarenki, paviedamlaje «New York Times» sa spasyłkaj na źbiehłaha ŭ ZŠA byłoha kiraŭnika maskoŭskaha adździaleńnia rasijskaha antydopinhavaha ahienctva Hryhoryja Rodčankava.

Hryhoryj Rodčankaŭ

Hryhoryj Rodčankaŭ

Ź jahonych słovaŭ, Rodčankaŭ admoviŭsia zrabić heta, bo razumieŭ jak śpiecyjalist, što paŭtorny analiz vyjavić fakt, što preparat byŭ u probu padsypany, a nie prajšoŭ praz arhanizm spartsmienki. Tamu ŭ prośbie Nahornamu admoviŭ.

«Jon byŭ asabliva zakłapočany tym, što ŭkrainskaja kamanda bijatłanistak moža stać najbolš surjoznym supiernikam rasiejskaj žanočaj kamandy padčas hulniaŭ. Ale za maju karjoru ja vielmi šmat razoŭ padmianiaŭ pazityŭnyja proby na čystyja — i nikoli — naadvarot», zajaviŭ Rodčankaŭ.

U žniŭni hetaha hoda ŭ ZŠA vyjšaŭ dakumientalny film «Ikar», jaki raspaviadaje pra detali pierajezdu doktara Rodčankava ŭ ZŠA i historyju vykryćcia arhanizavanych na ŭzroŭni ŭradu dopinh-praktyk u rasijskim sporcie. Pa vynikach mižnarodnaha rasśledvańnia, jakoje stała mahčymym dziakujučy infarmacyi, atrymanaj ad Rodčankava, rasijskaja alimpijskaja zbornaja pazbaŭlenaja ŭžo 11 miedaloŭ Sočynskaj zimovaj alimpijady.

Клас
0
Панылы сорам
0
Ха-ха
0
Ого
0
Сумна
0
Абуральна
0