Film «U asabistuju prastoru ŭvachod zabaronieny» pazicyjanujecca jak ramantyčnaja kamiedyja. Scenar Alaksandra Butar pisała ŭ suaŭtarstvie ź Julijaj Hirel.
U filmie zdymajucca ŭžo viadomyja biełaruskamu hledaču akciory Siarhiej Žbankoŭ i Hanna Pałupanava, a taksama maładaja źmiena — Eryk Abramovič (Novy dramatyčny teatr) i Luboŭ Kłok (Dziaržaŭny teatr lalek).
Hałoŭnyja roli atrymali Ściapan Latkoŭski i Kaciaryna Samojła, dla ich heta debiut u vialikim kino.
Pra što
Žyćcio zdolnaha, ale zakampleksavanaha prahramista Maksa vyhladaje idealnym. Ale biada ŭ tym, što Maks — žudasny pierfiekcyjanist. Adna niaznačnaja pamyłka zdajecca jamu poŭnym pravałam. Maks kidaje ŭsio i źjazdžaje. I tut žyćcio padkidvaje jamu losavyznačalnuju sustreču z Mašaj, što pieravaročvaje jaho śviet.
