Zabudoŭniki addaduć udvaja mienš kvater u fond pierasialeńnia tych, što patrapili pad znos — pastanaviŭ Minharvykankam

Z žytłovaha fondu, pabudavanaha ŭ 2017 hodzie, zabudoŭniki addaduć horadu ŭdvaja mieniej kvater dla pierasialeńnia tych žycharoŭ Minska, čyje damy patrapili pad znos praz pašyreńnie vysokapaviarchovaj zabudovy, paviedamlaje Tut.by.

Pavodle isnujučych u Minsku praviłaŭ, kožny zabudoŭnik, jaki ŭzvodzić žyłyja budynki, abaviazany addać horadu pracent «za znos» — navat kali na jahonaj terytoryi ničoha znasić nie daviałosia.

Dahetul 6,7 pracenta pabudavanych kvadratnych mietraŭ zabirałasia ŭ fond pierasialeńnia tych, chto patrapiŭ pad znos praz budovu. Pryčym zabudoŭnik moža abirać — addavać realnymi mietrami — abo hrašovym ekvivalentam. Zaraz — rašeńniem Minharvykankamu hetaja dola źnižanaja da 2,9 pracenta ahulnaha pabudavanaha mietražu.

Tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH