Značnuju častku siabraŭ rajonnych i haradskich vybarčych kamisij pa vybarach deputataŭ miascovych Savietaŭ tradycyjna składajuć pradstaŭniki 5-6 praŭładnych hramadskich arhanizacyj, paviedamlaje spring96.org.

Heta RHA «Biełaja Ruś», RHA «BRSM», Hramadskaje abjadnańnie vieteranaŭ, Biełaruski sajuz žančyn, Biełaruski sajuz aficeraŭ i aficyjnyja prafsajuzy, jakija ŭvachodziać u FPB. Adnak chto ž na samaj spravie zamaskiravaŭsia pad šyldami hramadskich arhanizacyj i vyłučencaŭ ad hramadzianaŭ šlacham padačy zajaŭ?

U składzie Minskaj abłasnoj vybarčaj kamisii pa vybarach deputataŭ miascovych Savietaŭ — 13 siabraŭ, jakija vyłučany ad partyj, hramadskich abjadnańniaŭ, šlacham padačy zajaŭ i … anivodnaha vyłučenca ad pracoŭnych kalektyvaŭ. Ź ich 8 — kiraŭniki pradpryjemstvaŭ, arhanizacyj i ŭstanoŭ vobłaści, načalniki strukturnych padraździaleńniaŭ abłasnoha vykanaŭčaha kamiteta.

Prykładna takoje ž «pradstaŭnictva» dyrektarata ŭ składzie Mahiloŭskaj abłasnoj vybarčaj kamisii, kudy pad maskaj hramadskich arhanizacyj i vyłučencaŭ ad hramadzianaŭ šlacham padačy zajaŭ patrapili siem kiraŭnikoŭ arhanizacyj i ŭstanoŭ abłasnoha centra.

Viciebskaja rajonnaja vybarčaja kamisija taksama nie stała vyklučeńniem z praktyki schavanaha vyłučeńnia načalnikaŭ i kiraŭnikoŭ rajonnych słužbaŭ i adździełaŭ, jakija vyłučalisia šlacham zboru podpisaŭ i padačy zajaŭ (6 z 13).

Nie lepšym čynam vyhladaje situacyja i z farmiravańniem Hrodzienskaj abłasnoj vybarčaj kamisii, jakaja składajecca z kiraŭnikoŭ dziaržpradpryjemstvaŭ, ich filijałaŭ i navukovych ustanoŭ (5 z 13), a taksama z kiraŭnikoŭ praŭładnych hramadskich arhanizacyj, jakija vyłučyli svaich pradstaŭnikoŭ u kamisiju (4 z 13). Sakratar abłasnoj kamisii Andrej Kuchto, jaki byŭ vyłučany Hrodzienskaj abłasnoj arhanizacyjaj prafsajuza rabotnikaŭ dziaržaŭnych i inšych ustanoŭ, źjaŭlajecca namieśnikam načalnika ŭpraŭleńnia arhanizacyjna-kadravaj pracy abłvykankama.

A voś u składzie Hrodzienskaj haradskoj vybarčaj kamisii davoli šmat pracaŭnikoŭ śfiery adukacyi (5 z 13). Taksama ŭ kamisiju ŭvajšli kiraŭniki dziaržaŭnych pradpryjemstvaŭ, rabotniki śfiery achovy zdaroŭja, pieršy sakratar Kastryčnickaha RK «BRSM» i dva supracoŭniki Hrodzienskaha vykankama, jakija, darečy, vyłučalisia šlacham zboru podpisaŭ.

Rekardsmienam ža vystupaje Hłybockaja rajonnaj vybarčaja kamisija: u jaje składzie až 10 schavanych ad ludskich vačej kirujučych rabotnikaŭ roznych uzroŭniaŭ, albo 77% ad usiaho składu.

I heta pry tym, što partyjnyja vyłučency pradstaŭlenyja ŭ kamisijach vielmi ścipła: šmat dzie abranyja vyłučency albo ad KPB i Partyi pracy i spraviadlivaści, albo tolki ad adnoj z hetych partyj (Homielskaja haradskaja, Vietkaŭskaja, Žłobinskaja, Karmianskaja, Rečyckaja, Rahačoŭskaja, Mazyrskaja rajonnyja vybarčyja kamisii), ŁDP (Minskaja i Mahiloŭskaja abłasnaja kamisija). Jašče horš situacyja z pradstaŭnictvam u kamisijach vyłučencaŭ demakratyčnych apazicyjnych partyj, jakich za vyklučeńniem pradstaŭnika AHP, praktyčna niama.

«Reziervam» dla bolš šyrokaha pradstaŭnictva ŭ składzie kamisij praŭładnych hramadskich arhanizacyj źjaŭlajucca tyja ž vyłučency ad hramadzian šlacham padačy zajaŭ, jakich, jak praviła, naličvajecca pa 3-4 u kožnaj kamisii.

Tak, u skład Homielskaj haradskoj kamisii vyłučana šlacham padačy zajavy Natalla Mamrukova, jakaja źjaŭlajecca namieśnikam staršyni abłasnoj arhanizacyi RHA «Biełaja Ruś». A ŭ skład Śvietłahorskaj rajonnaj vybarčaj kamisii ŭvajšli try pradstaŭniki halinovych prafsajuzaŭ, jakija ŭvachodziać u skład FPB. Jašče ž stolki prafsajuznych funkcyjanieraŭ «zamaskiravałasia» pad hrafoj: «šlacham padačy zajaŭ». Usiaho — 6.

U katehoryju vyłučanych hramadzianami šlacham padačy zajaŭ, jak praviła, traplajuć adkaznyja rabotniki rajvykankamaŭ, kiraŭniki ŭstanoŭ adukacyi i miedyki. Z čatyroch siabraŭ Rečyckaj rajonnaj vybarčaj kamisii, jakija vyłučalisia šlacham zboru podpisaŭ — 2 piedahohi i čynoŭniki rajvykankama.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?