Antoni Maciarevič zajaviŭ, što byli znojdzienyja dokazy, jakija śviedčać pra dva vybuchi na borcie prezidenckaha samalota Tu-154M, paviedamlaje Radyjo Svaboda.

Ministr abarony Polščy Antoni Maciarevič zajaviŭ, što padčas pracy pryznačanaj im kamisii pa rasśledavańni smalenskaj katastrofy byli znojdzienyja dokazy, jakija śviedčać pra dva vybuchi na borcie prezidenckaha samalota Tu-154M. Prezidencki łajnier raźbiŭsia 10 krasavika 2010 hoda pad Smalenskam. U avijakatastrofie zahinuła 96 asobaŭ, u tym liku prezidenckaja para.

Antoni Maciarevič abvinavaciŭ papiaredniuju kamisiju, jakaja zajmałasia rasśledavańniem smalenskaj katastrofy, u falsifikacyi dadzienych. Pavodle jaho, kamisija pry papiaredniaj uładzie sprabavała nie dapuścić raspaŭsiudžvańnia viersii vybuchu.

«My majem ekśpiertyzu, jana zachavałasia ŭ materyjałach kamisii Milera (papiaredniaja kamisija). I my možam paćvierdzić, što vidavočnym čynam byli identyfikavanyja dva vybuchi. Jany dakładna apisanyja: ich dyjamietr i miesca ŭźniknieńnia», — skazaŭ palityk u efiry Polskaha radyjo.

Клас
0
Панылы сорам
0
Ха-ха
0
Ого
0
Сумна
0
Абуральна
0