Z 1 studzienia budučaha hoda Polšča libieralizuje praviły pracaŭładkavańnia hramadzian Armienii, Biełarusi, Hruzii, Małdovy, Rasii i Ukrainy. Źjavicca novy typ siezonnaha dazvołu na pracu, jaki budzie vydavacca na ŭzroŭni pavietu — na 270 albo 180 dzion. Košt vydačy dazvołu źnizicca sa 100 da 30 złotych, paviedamlaje belmarket.by.

270-dzionny dazvoł budzie vydavacca zaniatym u sielskaj haspadarcy, sadavodstvie i turyźmie. Dla ŭsich inšych halinaŭ budzie vydavacca 180-dzionny dazvoł. Hety dakumient budzie mieć paviedamlalny charaktar — pracadaŭcy budzie dastatkova zarehistravać u paviatovym upraŭleńni pracy zajavu pra namier daručyć vykanańnie pracy zamiežniku.

Paśla rehistracyi hetaj zajavy, jaje aryhinał pieradajecca zamiežniku dla atrymańnia im pracoŭnaj vizy na ŭjezd u Polšču, albo dazvołu na znachodžańnie ŭ krainie, kali zamiežnik užo ŭjechaŭ na jaje terytoryju.

Клас
0
Панылы сорам
0
Ха-ха
0
Ого
0
Сумна
0
Абуральна
0