Alimpijski čempijon Sočy-2014 biełaruski frystajlist Anton Kušnir 17 śniežnia zavajavaŭ bronzu na 2-m etapie Kubka śvietu pa łyžnaj akrabatycy ŭ kitajskim Sekret-Hardenie, paviedamlaje tut.by.
Pryzavyja miescy ŭ hety dzień, u adroźnieńnie ad suboty, razyhryvalisia ŭsiaho tolki pa vynikach adnaho skačku.
Anton Kušnir za svoj skačok atrymaŭ acenku 124,34 bała. Pieršaje miesca zaniaŭ kitajec Czia Cońjan (127,88), druhim staŭ jaho suajčyńnik Ci Huanpiu (127,60).
U mužčynskich spabornictvach vystupali jašče piać pradstaŭnikoŭ Biełarusi. Stanisłaŭ Hładčanka zaniaŭ 10-je miesca (115,42), Maksim Huścik — 13-je (99,56), Dźmitryj Mazurkievič — 15-je (97,99), Arciom Bašłakoŭ - 17-je (94,47), Dzianis Vosipaŭ — 18-je (91,59) siarod 34 udzielnikaŭ.
Nahadajem, što ŭ subotu biełarus Maksim Huścik staŭ srebranym pryzioram.
U žanočych spabornictvach, dzie ŭ subotu zołata vyjhrała Hanna Huśkova, biełaruski na hety raz zastalisia biez uznaharody. Najlepšaj siarod biełarusak u niadzielu znoŭ stała Hanna Huśkova, jakaja zaniała 7-je miesca (82,84 bała). Alimpijskaja čempijonka Sočy-2014 Ała Cupier (80,95) stała 9-j, Alaksandra Ramanoŭskaja (62,05) — 18-ja siarod 27 udzielnic.
Siońnia byli taksama razyhranyja ŭznaharody ŭ kamandnych spabornictvach, dzie Biełaruś pradstaŭlali Hanna Huśkova, Maksim Huścik i Anton Kušnir. Biełaruskaja družyna nia prabiłasia ŭ supierfinał i zaniała vynikovaje 4-je miesca. U lik pryzioraŭ uvajšli zbornyja Kitaja, Aŭstralii i Rasii.
