Nacyjanalnaje ahienctva vyviedki Paŭdniovaj Karei miarkuje, što za kibieratakaj na kryptavalutnuju biržu Bithumb stajać chakiery, źviazanyja z KNDR, paviedamiła krynica ŭ vyviedvalnym viedamstvie, piša Bi-bi-si.

U vyniku vykananaj jašče ŭ lutym chakierskaj ataki była vykradzienaja kryptavaluta prykładna na 7 miljonaŭ dalaraŭ pa jaje kursie na toj momant.

Ciapier cana vykradzienaj kryptavaluty składaje bolš za 80 miljonaŭ dalaraŭ. Taksama chakiery skrali asabistyja źviestki bolš jak 30 tysiač karystalnikaŭ biržy.

Bithumb — samaja papularnaja kryptavalutnaja birža Paŭdniovaj Karei i adna z najbujniejšych takich biržaŭ u śviecie.

Na dumku analitykaŭ, paŭnočnakarejskija chakiery mohuć ažyćciaŭlać ataki na kryptavalutnyja biržy, kab kraina mieła mahčymaści abyści finansavyja sankcyi, uviedzienyja ŭ dačynieńni da Pchieńjana ŭ suviazi ź jadziernaj prahramaj KNDR.

Jak paviedamlajecca, chakiery atakavali Bithumb u lutym 2017 hoda, adnak pra kibierataki stała viadoma tolki ŭ červieni.

Chakiery taksama paabiacali ścierci na svaich nośbitach skradzienuju imi infarmacyju pra karystalnikaŭ biržy, kali Bithumb zapłacić im 5,5 miljona dalaraŭ.

Krynica ŭ Nacyjanalnym ahienctvie vyviedki Paŭdniovaj Karei taksama paviedamiła, što KNDR padazrajuć u dačynieńni da jašče adnoj ataki — na kryptavalutnuju biržu Coinis, jakaja adbyłasia ŭ vieraśni.

Jašče adna sproba kibierataki na hetuju biržu ŭ kastryčniku była spyniena. Infarmacyja ab kibieratacy była pieradadziena ŭ prakuraturu Paŭdniovaj Karei.

Ułady Paŭdniovaj Karei nie rehulujuć handal ličbavymi valutami i dziejnaść kryptavalutnych biržaŭ na terytoryi krainy.

Клас
Панылы сорам
Ха-ха
Ого
Сумна
Абуральна