Była raka, u jakoj siadzi ŭvieś dzień,
Była babula: ŭnučyki, ci śniedali?
I hruša-spasaŭka, i sonca na vadzie,
I ty ŭžo byŭ. A ja ciabie nie viedała.
I łampaŭ huł, i ciemra za vaknom,
Kantrolnaj ciša i rypieńnie krejdava,
I chłopčyk byŭ z kvitkami u kino,
I ty ŭžo byŭ. A ja ciabie nie viedała.
I ŭ zamieci, i ŭ śpiocy, i ŭ daždžy,
U ślazach i ŭśmieškach, u ściežkach pierabiehanych
Ty byŭ užo. Ci vieryš ty, skažy,
Ci vieryš ty, što ja ciabie nie viedała?
