Ministerstva abarony ZŠA vydatkavała miljony dalaraŭ na daśledavańni nieapaznanych latučych abjektaŭ, piša Bi-bi-si.
U liku inšaha ŭ ramkach inicyjatyvy Pientahon źbiraŭ fatahrafii i videazapisy abjektaŭ, što visieli ŭ pavietry abo ruchalisia z nadzvyčaj vysokaj chutkaściu, paviedamlajuć amierykanskija ŚMI.
Prajekt pad nazvaj «Pahłyblenaja prahrama raspaznavańnia aerakaśmičnych pahroz» byŭ zapuščany ŭ 2007 hodzie i, jak paviedamlajuć amierykanskija ŚMI, zhornutaja ŭ 2012-m.
Jaje ideja naležyć tahačasnamu lidaru demakratyčnaj bolšaści ŭ Sienacie ZŠA Hary Rydu.
«Ja nie adčuvaju siabie niajomka, mnie nie soramna i nie škada, što ja zapuściŭ hetuju štuku. Ja zrabiŭ toje, čaho raniej nie rabiŭ nichto», - skazaŭ Ryd ŭ intervju New York Times.
Prahrama abyšłasia amierykanskamu minabarony ŭ sumu bolš za 20 miljonaŭ dalaraŭ (40 miljonaŭ rubloŭ pa biahučym kursie). Jana była začyniena z metaj ekanomii biudžetnych hrošaj.
Prahrama mahła vykarystoŭvacca dla vyvučeńnia technałahičnych raspracovak krain-supiernic ZŠA, paviedamiŭ Politico były štatny supracoŭnik Kanhresu.
«A moža, heta Kitaj abo Rasieja sprabujuć niešta zrabić abo ŭžyvajuć ruchomuju ŭstanoŭku, pra jakuju my nie viedajem?» - razvažaje krynica vydańnia.
U biahučym hodzie Centralnaje vyviedvalnaje upraŭleńnie ZŠA vykłała ŭ internet miljony staronak rassakrečanych dakumientaŭ.
Siarod inšaha ŭ ich možna znajści zhadki pra NŁA, a taksama raparty ab nazirańni za latučymi talerkami.
