15 śniežnia ŭ Baranavičach raspačali kryminalnuju spravu ŭ dačynieńni da 69-hadovaha mužčyny za naniasieńnie lohkich cialesnych paškodžańniaŭ svajoj 31-hadovaj dačce, paviedamili tut.by u pres-słužbie UUS Bresckaha abłvykankama.
Kanflikt pamiž baćkam i dačkoj adbyŭsia 16 kastryčnika. Pa viersii pravaachoŭnikaŭ, padvypiły piensijanier u svajoj kvatery źbiŭ čajnikam i rondalem svaju dačku. Ekśpierty vyznačyli, što traŭmy, atrymanyja achviaraj, adnosiacca da lohkich cialesnych paškodžańniaŭ.
Pa vynikach praviedzienaj milicyjaj pravierki mižrajonnaja prakuratura raspačała kryminalnuju spravu. Sankcyja artykuła praduhledžvaje hramadskija abo papraŭčyja raboty, štraf ci aryšt.
0
0
0
0
0
0
