Pa mienšaj miery vosiem čałaviek zahinuli i 44 paranienyja ŭ vyniku napadu na pratestanckuju carkvu ŭ horadzie Kvieta na poŭdni Pakistana, paviedamlajuć infarmahienctvy.
Paćvierdžana, što atakavali carkvu dva śmiarotniki. Adnaho ź ich udałosia zastrelić pry ŭvachodzie ŭ chram. Druhi zmoh prarvacca ŭsiaredzinu i padarvać zamacavanuju na ciele vybuchovuju pryładu.
Paviedamlajecca, što pry sabie ŭ bajevikoŭ taksama miełasia aŭtamatyčnaja zbroja. Usiaho ŭ hety dzień u carkvie mahli znachodzicca 300-400 viernikaŭ.
Usie paciarpiełyja, siarod jakich jość žančyny i dzieci, dastaŭleny ŭ balnicy. Viadziecca śledstva.
Nivodnaja ź dziejučych na terytoryi Pakistana ekstremisckich hrupovak pakul nie ŭziała na siabie adkaznaść za vybuch.
