Śledčyja śledčaha ŭpraŭleńnia USK pa Minsku zaviaršyli rasśledavańnie abstavinaŭ hibieli roŭpdžampiera ŭ Sosnach, što adbyłosia 18 červienia, paviedamlaje sk.gov.by.

Śledstvam ustanoŭlena, što arhanizatar skačkoŭ na viaroŭcy z vyšyni 70 mietraŭ nie zafiksavaŭ na vyciažnoj trubie z tunelem u pramysłovaj zonie pa vulicy akademika Krasina viarovačnuju kanstrukcyju i nie ažyćciaŭlaŭ pastajannaha kantrolu za biaśpiečnaj ekspłuatacyjaj. Taksama mužčyna nie zdoleŭ praduchilić nastupstvy, u vyniku čaho zahinuŭ 27-hadovy žychar Salihorska.

Pavodle SK, kryminalnaja sprava źjaŭlajecca biesprecedentnaj. Rasśledavańnie ažyćciaŭlałasia va ŭzajemadziejańni sa śpiecyjalistami MNS.

Vysnovy paćvierdžany vynikami ahladaŭ, pry praviadzieńni jakich pravierany cełasnaść indyvidualnaj strachovačnaj sistemy i zafiksavanyja miescy macavańnia alpinisckich trosaŭ (dziubielaŭ), videazapisy kamiery «GoPro», kvadrakoptara, mabilnaha telefona i pakazańni śviedak.

Abvinavačvańnie indyvidualnamu pradprymalniku pradjaŭlena pa č.1 art.144 (pryčynieńnie śmierci pa nieaściarožnaści). Vinu svaju mužčyna nie pryznaŭ. Jon vyłučaŭ roznyja viersii i chavaŭ sposaby dy akaličnaści fiksacyi tych ci inšych viarovačnych kanstrukcyj. Iścinu śledstva vyśviatlała pa zapisach z kvadrakoptara, telefona, vynikach ekśpierymientu.

Na padstavie atrymanych źviestak u chodzie śledčaha ekśpierymientu prajhranyja abstanoŭka i abstaviny padzieńnia, u tym liku z vykarystańniem maniekiena.

Materyjały kryminalnaj spravy vyvučany prakuroram i nakiravanyja ŭ sud dla razhladu.

Клас
Панылы сорам
Ха-ха
Ого
Сумна
Абуральна