Małady kiroŭca tramvaja z Łodzi, pabačyŭšy, što na prypynku pad vahon zabieh kot, admoviŭsia praciahvać ruch, pakul žyvioła adtul nie vyjdzie, paviedamiła telebačańnie TVN24. Adnak kot zabiŭsia hłyboka ŭ miechanizmy, jakija pryvabili jaho svaim ciapłom — i admaŭlaŭsia adtul vychodzić.

«Pasažyry skazali mnie, što ja psichična chvory i nazyvali mianie debiłam. Adnak ja ŭsio adno nie pajechaŭ», — raspavioŭ Michał Luter. Zatrymka ruchu na linii tramvajaŭ, pakul vyratavalniki nie dastali kata častkova razmantavaŭšy vahon, skłała 80 chvilin.

Michał Luter

Michał Luter

Zdareńnie, što adbyłosia 11 śniežnia, vyklikała šmat supraćlehłych reakcyj u sacsietkach. Adnak pres-sakratar Haradskoha transpartnaha pradpryjemstva Siebaścijan Hrachała zajaviŭ, što firma zadavolenaja rašeńniem, pryniatym Michałam.

A pradstaŭniki fondu «Niežadanyja i zabytyja», jakija zajmajucca biazdomnymi žyviołami, addali maładomu kiroŭcy svaje kaladnyja zarpłatnyja bonusy, kab uznaharodzić jaho nie tolki dobrym słovam.

Sam Michał Luter, tłumačačy svoj učynak, skazaŭ, što jamu ŭ pryncypie katy nie padabajucca, bo ŭ jaho doma — chamiak. «Ale heta jašče nie nahoda pazbaŭlać ich žyćcia», — dadaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?