U Biełarusi źjaviacca dva varyjanty elektramabila, raspavioŭ sb.by namieśnik hienieralnaha dyrektara Abjadnanaha instytuta mašynabudavańnia NAN Aleh Jełavy. Adzin — na bazie zavoda «BiełDžy», druhi, małabiudžetny, budzie zrobleny na bazie samoha instytuta.

— Druhi varyjant — heta, skažam, kar dla sadova-parkavych zon, — pryvodzić prykład Aleh Jełavy. — Ź jaho z časam moža vyraści niedarahi haradski elektramabil. Skažam, dla servisnych słužbaŭ — taksi i dastaŭki, pošty. U pierśpiektyvie jon moža stać słužbovym aŭtamabilem arhanizacyj.

Płanujecca, što pieršyja jaho doślednyja ŭzory buduć vypraboŭvacca u Bataničnym sadzie Minska, jaki, darečy, znachodzicca nasuprać instytuta. Tam buduć adpracavanyja techničnyja rašeńni, źviazanyja z asablivaściami ekspłuatacyi elektramabila, u tym liku pytańni zaradki batarei. Pa słovach Aleha Jełavoha, na hetym uzory moža być realizavana i inšaja ideja instytuta — ab bieśpiłotnym transparcie, pakolki elektramabil budzie ruchacca pa parku pa zadadzienym maršrucie.

Клас
Панылы сорам
Ха-ха
Ого
Сумна
Абуральна