Na mižnarodnaj arenie Biełaruś imkniecca vyrašać prablemy, a nie stvarać ich.

Pra heta ministr zamiežnych spraŭ Biełarusi Uładzimir Makiej zajaviŭ siońnia na sustrečy z vučniami i vykładčykami Ryžskaj biełaruskaj škoły imia Ja.Kupały i Vilenskaj biełaruskaj himnazii imia F.Skaryny, piša BiełTA.

«My źjaŭlajemsia krainaj, jakaja nie choča nikomu dastaŭlać prablem. My, naadvarot, chočam zrabić tak, kab ich nie było. Kali rehijon budzie spakojnym, biez kanfliktaŭ, nam budzie lahčej raźvivać svaju ekanomiku», - rastłumačyŭ Uładzimir Makiej.

Na jaho dumku, razumnaja zamiežnaja palityka Biełarusi — adna z padstaŭ hanarycca svajoj krainaj. «Nas nichto nie moža abvinavacić, što my źjaŭlajemsia zachopnikami. My nie majem nijakich terytaryjalnych pretenzij da našych susiednich krainaŭ i inšych dziaržavaŭ. My imkniemsia pravodzić mirnuju źniešniuju palityku», — padkreśliŭ ministr.

Клас
Панылы сорам
Ха-ха
Ого
Сумна
Абуральна