Dzieviać čałaviek zahinuli, jašče piaciora atrymali ranieńni siońnia ŭ vyniku ataki na kopckuju carkvu Mar-Mina ŭ Chiełuanie ŭ pryharadzie Kaira, paviedamlaje Biełta.
Dvoje bajevikoŭ padjechali da carkvy na matacykle i adkryli ahoń. Jak udakładnili ŭ MUS Jehipta, kali adzin z napadnikaŭ pasprabavaŭ prarvacca praź źniešni kardon carkvy, palicejskija adkryli pa im ahoń, paraniŭšy jaho.
Pry im byli vyjaŭlenyja aŭtamat Kałašnikava i piać mahazinaŭ sa 150 patronami, a taksama vybuchovaje prystasavańnie. Napiaredadni navahodnich śviataŭ, a taksama katalickaha i pravasłaŭnaha Rastva ŭ Jehipcie pad uzmocnienuju achovu byli ŭziaty bolš za 2,6 tys. cerkvaŭ. Prylehłyja da chramaŭ vulicy byli całkam ačyščanyja ad aŭtatranspartu.
