Na Moładzievym čempijanacie śvietu pa chakiei, što prachodzić u ZŠA (Bafała), zbornaja Biełarusi prajhrała ŭsie čatyry matčy hrupavoha turniru i zaraz budzie hulać z Danijaj (abo Słavakijaj) u dvuboi za vyžyvańnie ŭ elicie.
Padtrymać biełarusaŭ pryjechali 20 suajčyńnikaŭ z Amieryki, naturalna, ź bieł-čyrvona-biełymi ściahami. Pierad matčam sa Šviecyjaj da ich padyšła dziaŭčyna, jakaja nazvałasia supracoŭnicaj Fiederacyi chakieja Biełarusi, i paprasiła nie razmachvać «voś hetymi voś ściahami».
Na što ŭ adkaz pačuła: «Tut svabodnaja kraina, i vy zaraz nie ŭ Biełarusi». Trochi pakryŭdziŭšysia, jana syšła, ale ŭvieś čas była niepadalok ad nas, piša Tribuna.com.
Cikavy incydent adbyŭsia ŭ matčy sa Šviejcaryjaj. «My zaniali miesca nie pa kvitkach, a bližej da łaŭki zapasnych našaj zbornaj i abjadnalisia ź biełarusami z Čykaha. Spačatku byli tam absalutna adny, raskłali ściahi i zaniali miescy, ale litaralna za 5-10 chvilin nas atačyli kanadcy, amierykancy i šviejcarcy. Apošnija ŭ asnoŭnym byli ź siemjami i dziećmi. A paŭnočnaamierykancy, darečy, znoŭ padtrymlivali našych.
Užo ź pieršaha pieryjadu jany zaradžali z nami na movie: «Davaj, davi jaho!», Navučyli nas adciahvać uvahu šviejcarskaha hałkipiera. Naša hrupa padtrymki pavodziła siabie davoli aktyŭna. Napeŭna, tamu ludzi stavilisia da nas ź cikavaściu i dobrazyčliva. Pa atrybutycy nichto pretenzij nie pradjaŭlaŭ, praŭda, čykahski baraban zabrali rabotniki areny».
Rasijanam, na žal, taksama sastupili. Ale ŭžo pa tradycyi atrymałasia ciopła pahutaryć ź ich zaŭziatarami. Jany cikavilisia našaj simvolikaj.
«Mužyki, my budziem z vami da kanca. Na žal, naša zbornaja nie vyjdzie ŭ płej-of. Vielmi chočacca ad usioj dušy pažadać chakieistam zamacavacca ŭ elicie! My z vami i budziem staracca padtrymlivać vas jašče macniej!», — pišuć zaŭziatary.
