Za apošnija 5 hadoŭ kolkaść vyjaŭlenych faktaŭ piedafilii pavialičyłasia ŭ 15 razoŭ.

Padrabiaznaści raspavioŭ Dźmitryj Cajun, namieśnik načalnika hałoŭnaha ŭpraŭleńnia pa narkakantroli i supraćdziejańni handlu ludźmi MUS.

U minułym hodzie dzieci padviarhalisia hvałtu 581 raz, što na 84,4% vyšej za pakazčyki 2016 hoda. Pry hetym 361 fakt piedafilii adnosicca da katehoryi ciažkich i asabliva ciažkich złačynstvaŭ.

Dźmitryj Cajun pryvioŭ niekalki prykładaŭ.

«Darosły pad vyhladam małaletniaj dziaŭčynki znajomiŭsia z adnahodkami ŭ sacyjalnych sietkach i ŭ čas razmovy ŭhavorvaŭ ich zajmacca seksualnym samazadavalnieńniem. Usie zapisvałasia i tranślavałasia praz veb-kamieru, a ŭ nastupnym tyražavałasia ŭ internecie. U vyniku mužčynu asudzili na niekalki hadoŭ za raspaŭsiud dziciačaj parnahrafii, — raspavioŭ Cajun. — Inšy mužčyna, dyrektar firmy, vykarystaŭ vydumanyja akaŭnty ŭ sacsietkach dla znajomstva z małaletnimi dziaŭčatkami, jakich prymušaŭ abo ŭhavorvaŭ zajmacca prastytucyjaj. A ŭ nastupnym i sam hvałtavaŭ ich za hrošy. Ahułam my naličyli bolš za 40 epizodaŭ złačynnaj dziejnaści, za jakija piedafiła adpravili ŭ turmu na 11 hadoŭ».

Milicyjant adznačyŭ, što ciapier praca idzie nie tolki paśla zajaŭ ad baćkoŭ paciarpiełych, plus milicyja aktyŭna vykarystoŭvaje sučasnyja technałohii.

«Ale virtualnaja pierapiska ź niepaŭnaletnim na temu seksu, abmien intymnymi fatahrafijami padčas anłajn-tranślacyi zastajucca pa-za pravavym polem. I pakarać vyčvarencaŭ nielha tolki pa adnoj pryčynie:

šerah zacikaŭlenych dziaržorhanaŭ nie ŭzhadniajuć prajekt zakona ab uviadzieńni kryminalnaj adkaznaści za ŭstalavańnie psichałahičnaha kantaktu z padletkami z metaj seksualnych adnosin (hruminh) i za zachoŭvańnie biez mety raspaŭsiudžvańnia dziciačaj parnahrafii»,

— padkreśliŭ Cajun.

Niaredka piedafiły pačynajuć svaju «karjeru» z prahladaŭ dziciačaha porna, stvarajuć svojeasablivyja kalekcyi videa. I tolki paśla pierachodziać da aktyŭnych dziejańniaŭ.

Asobnaja prablema — maŭčańnie jak samich achviar, tak i ich svajakoŭ ci svajakoŭ złačyncaŭ, adznačyŭ Dźmitry Cajun. Byvajuć vypadki, kali sami paciarpiełyja nie chočuć davać pakazańni, bo bajacca zastacca z klejmom «achviary piedafiła». Ci maci zhvałtavanaj dziaŭčynki nie ahučvaje biadu — bo spadziajecca zachavać siamju i baicca, što pra jaje pačnuć havaryć susiedzi. A časam i sami dzieci, jakija pieražyli hvałt čužym čałaviekam, bajacca raskazvać štości baćkam, bo dumajuć, što zamiž padtrymki ich ukarajuć. Tamu niaredka vykryćcio piedafiła — sprava vypadkovaja, i za minuły čas u złačyncy źjaŭlajucca novyja achviary, jakich možna było b paźbiehnuć.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?