Staršynia parłamienta Małdovy Andryjan Kandu ŭ roli kiraŭnika dziaržavy padpisaŭ siońnia zakon ab prapahandzie, pad jakim da hetaha admaŭlaŭsia pastavić svoj podpis prezident krainy Ihar Dadon, paviedamlaje parłamienckaja pres-słužba.

Kandu padpisaŭ zakon, jaki zabaraniaje tranślavać infarmacyjna-analityčnyja, palityčnyja i vajennyja pieradačy ź dziaržaŭ, jakija nie ratyfikavali Jeŭrapiejskuju kanviencyju ab transhraničnym telebačańni. Rasieja ŭvachodzić u ich lik.

Parłamient Małdovy

Parłamient Małdovy

Suprać zakona vystupaŭ prezident Małdovy Ihar Dadon. Jon ličyŭ, što papraŭki supiarečać demakratyčnym pryncypam i ŭvodziać u krainie cenzuru, a taksama źbiraŭsia źviarnucca ŭ Kanstytucyjny sud. Ale sud na prośbu deputataŭ časova adchiliŭ Dadona ad pasady. Sudździ patłumačyli heta tym, što kiraŭnik dziaržavy tak i nie apublikavaŭ zakon, jaki da hetaha dva razy pryniali ŭ parłamiencie.

Časova vykonvajučym abaviazki prezidenta krainy staŭ staršynia parłamienta Andryjan Kandu. Jon zmoh apublikavać zakon zamiest Dadona, i dakumient nabyŭ moc.

Da hetaha Dadona ŭžo adchilali ad pasady. 2 studzienia jaho paŭnamoctvy prypynili, kab pryznačyć novych členaŭ urada, jakich jon admaŭlaŭsia pryznačać. U kastryčniku minułaha hoda takuju ž praceduru zapuścili, kab pryznačyć novaha ministra abarony.

Клас
0
Панылы сорам
0
Ха-ха
0
Ого
0
Сумна
0
Абуральна
0