Pryčyna — źjaŭleńnie ŭ handli rasijskaha cukru, jaki prykmietna tańniejšy za biełaruski, adznačajuć udzielniki rynka. Dakumient zarehistravany na nacyjanalnym pravavym internet-partale, adnak pakul nie apublikavany.
Z ustupleńniem pastanovy MARH u siłu minimalnaja cana na rasijski cukar nie pavinna być nižej za 1,5 rubla. Vyrastuć i zakupačnyja aptovyja ceny.
Ciapier krasnadarskija vytvorcy prapanujuć aptovuju zakupku nierasfasavanaha cukru pa 0,89 biełaruskaha rubla, a branskija - pa 0,9 rubla. Fasavany pa adnym kiłahramie cukar u Bransku prapanujuć optam pa 0,97 rubla, raspaviadaje pradstaŭnik adnaho z rytejleraŭ.
Jak tłumačyć pradstaŭnik adnaho z rytejleraŭ, ciapier skłałasia takaja situacyja, što rasijski cukar u našaj krainie pradajecca tańniej, čym ajčynny. Tak u adnoj z handlovych sietak rasijski kryštaličny burakovy cukar kaštuje 1,39 rubla za kiłahram, a słucki i haradziejski - 1,59 rubla za kiłahram.
Pastanova rehuluje i maksimalnyja ceny na cukar.
«Hraničnyja maksimalnyja handlovyja nadbaŭki(z ulikam aptovaj nadbaŭki) da adpusknoj cany vytvorcy (imparciora) na cukar bieły kryštaličny, jaki realizujecca na terytoryi Biełarusi, u pamiery 15%, — havorycca ŭ dakumiencie. — Vyznačyć, što farmiravańnie cen na cukar bieły kryštaličny robicca z ulikam kanjunktury rynku, ale nie nižej za hraničnyja minimalnyja ceny, ź pieralikam cenaŭ praparcyjna kolkaści, rasfasavanaj va ŭpakovačnuju adzinku».
Pastanova pavinna ŭstupić u siłu paśla jaje aficyjnaha apublikavańnia i budzie dziejničać na praciahu 90 dzion.
Cukar-piasok apynuŭsia ŭ liku praduktaŭ, na jakija ŭ minułym hodzie bolš za ŭsio ŭpali ceny.
