cnet.com
Adzin z najbujniejšych amierykanskich aŭtavytvorcaŭ General Motors (GM) płanuje da 2019 hoda vypuścić bieśpiłotnuju mašynu biez rula. Ab hetym paviedamlajecca na sajcie kancerna.
Kampanija maje namier naładzić sieryjnuju vytvorčaść aŭtamabila Cruise AV na asnovie elektramabila Chevrolet Bolt.
Pa słovach prezidenta GM Dena Amana, nad mašynaj pracavali paŭtara hoda, pieradaje Financial Times. Jon rastłumačyŭ, što heta pieršy aŭtamabil, jaki z samaha pačatku raspracoŭvali biez elemientaŭ kiravańnia — rulavoha koła i piedalaŭ.
Jak adznačaje The Verge, pratatyp mašyny ŭžo testujuć na vulicach San-Francyska i Finiksa.
Akramia GM raspracoŭkami bieśpiłotnych aŭtamabilaŭ zajmajucca servis taksi Uber, aŭtakancerny Volvo, Ford, Jaguar Land Rover, Volkswagen, a taksama kampanija Iłana Maska Tesla. Jana stvaryła ŭ tym liku elektryčny hruzavik z aŭtapiłotam.
Jak praviła, prajektavanyja aŭtamabili nie całkam aŭtanomnyja i praduhledžvajuć mahčymaść kiravańnia vadzicielem.
